ՀՍՀ/ԱԶԴ

ԱԶԴ, գյուղ Արևմտյան Հայաստանում, Սեբաստիա քաղաքից շուրջ 30 կմ հարավ֊արևելք։ XIX դ. սկզբին ուներ 150 տուն հայ բնակիչ, որոնք զբաղվում էին երկրագործությամբ, մասամբ՝ անասնապահությամբ։ Գյուղն ուներ եկեղեցի և վարժարան։ Ա֊ից 2–3 կմ հեռավորության վրա, Հրեշտակապետ կոչված գեղատեսիլ վայրում կար մի մենարան՝ քարաշեն, գմբեթավոր տաճարով, փայտաշեն եկեղեցով։ Ա֊ի բնակիչների մեծ մասը զոհվեց 1915—16-ին։