ՀՍՀ/ԱԶԻԴՆԵՐ

ԱԶԻԴՆԵՐ, ազոտաջրածնական թթվի՝ $HN_{3}$ ածանցյալներ։ Թթվի ջրածինը կարող է փոխարինվել մետաղով՝ առաջացնելով աղեր՝ $NaN_{3}$ ևն, հալոգենով՝ $ClN_{3}$ ևն, օրգանական ռադիկալով՝ $RN_{3}$ կամ օրգանական թթվի մնացորդով՝ $RCO_{3}-N_{3}$ (ազոիմիդներ)։ Ծանր մետաղների Ա., հատկապես կապարինը, անգամ խոնավ վիճակում օժտված են հարվածից ուժեղ պայթելու հատկությամբ և կիրառվում են որպես դետոնատորներ։ Օրգանական Ա. նույնպես պայթուցիկ են։