ՀՍՀ/ԱԹՄԱՃՅԱՆ ՄԱՌԻ

ԱԹՄԱՃՅԱՆ Մառի Միհրանի (ծն. 1913), հայ բանաստեղծուհի, գրական–հասարակական գործիչ սփյուռքում։ Ծնվել է մարտի 19-ին, Թուրքիայի Բաֆրա քաղաքում։ Տպագրվել է «Ջանք» գրական–հասարակական ամսագրում, ապա եղբոր՝ Գ. Աթմաճյանի «Մշակույթ» հանդեսում։ «Տեգրեշենտո» (1939) պիեսում Ա. պատկերել է սփյուռքահայության կյանքը։ Լույս են տեսել «Գողգոթայի շուշաններ» (1948), «Աստեղաքաղ» (1951), «Ոսկի գեղոն» (1967), «Հրեղեն աշտարակ» (1970) և այլ ժողովածուներ։ Ա. ֆրանսահայ գրողների միության նախագահն է։