ՀՍՀ/ԱԼԱԳՅԱԶ

ԱԼԱԳՅԱԶ (մինչև 1938՝ Մեծ Ջամշլու), գյուղ Հայկական ՍՍՀ Արագածի շրջանում, Քասաղ գետի աջ ափին, շրջկենտրոնից 9 կմ հյուսիս, Ապարան–Սպիտակ խճուղու վրա։ 675 բն. (1970), քրդեր, հայեր։ 1938–49-ին եղել է համանուն շրջանի կենտրոնը։ Ա–ի կաթնաանասնապահական սովետական տնտեսությունը զբաղվում է նաև հացահատիկի մշակությամբ։ Ունի պանրագործարան, միջնակարգ դպրոց, հիվանդանոց, դեղատուն, մշակույթի տուն, գրադարան, անասնաբուժարան, կապի բաժանմունք, կինո։ Հիմնադրվել է XIX դ. սկզբներին։