ՀՍՀ/ԱԼԵՔՍԵԵՎ ՊՅՈՏՐ

ԱԼԵՔՍԵԵՎ Պյոտր Ալեքսեևիչ (1849–1891), ռուս առաջին բանվոր–հեղափոխականը։ Հեղափոխական գործունեության համար 1875-ի ապրիլին ձերբակալվել է, իսկ, 1877-ին՝ «50-ի դատավարությամբ» դատապարտվել 10 տարվա տաժանակիր աշխատանքի Յակուտիայում։ Դատարանում արտասանած՝ «Կբարձրանա միլիոնավոր բանվոր մարդկանց մկանուտ ձեռքը, և զինվորների սվիններով պաշտպանված դեսպոտիզմի լուծը հողմացրիվ կլինի» վերջին խոսքը Վ.Ի. Լենինն անվանել է «… ռուս բանվոր–հեղափոխականների մեծ մարգարեությունը» (Երկ., հ. 4, էջ 477)։ Ա. Յակուտիայից վերադառնալիս՝ ճանապարհին սպանվել է ավազակի ձեռքով։