ՀՍՀ/ԱԼԻԳԵՏԻԿ

ԱԼԻԳԵՏԻԿ, Ալիգյադուկ, գյուղ Արևմտյան Հայաստանում, Բուլանըխի շրջանում, Մուշ քաղաքից մոտ 30 կմ հյուսիս, հացառատ հարթավայրում։ XX դ. սկզբներին ուներ 57 տուն հայ բնակիչ, որոնք հիմնականում զբաղվում էին երկրագործությամբ ու անասնապահությամբ։ Գյուղն ուներ եկեղեցի և ուսումնարան։ Ա–ի բնակիչների մեծ մասը զոհվել է Մեծ եղեռնի ժամանակ, մնացածները փրկվել և ապաստանել են Արևելյան Հայաստանում։