ՀՍՀ/ԱԼՎԱՌԻՆՋ

ԱԼՎԱՌԻՆՋ, Ալվառինճ, գյուղ Արևմտյան Հայաստանում, Մուշ քաղաքից մոտ 12 կմ հարավ–արևելք, Բիթլիս (Բաղեշ) տանող ճանապարհի աջ կողմում, բարեբեր հարթավայրում։ Գյուղի միջով հոսում է Մեղրագետի ձախակողմյան փոքրիկ վտակներից մեկը, որի ջրերով ոռոգվում եnն Ա–ի դաշտերը։ 1890-ին ուներ 130, իսկ 1909-ին՝ 160 տուն հայ բնակիչ, որոնց հիմնական զբաղմունքն էր երկրագործությունն ու այգեգործությունը։ Ա–ում կար եկեղեցի և դպրոց։ Առաջին համաշխարհային պատերազմի տարիներին թուրք հրոսակները ավերեցին գյուղը, ոչնչացրին բնակիչների մեծ մասին։