ՀՍՀ/ԱԼՖԻԵՐԻ

ԱԼՖԻԵՐԻ (Alferi) Վիտորիո (1749–1803), իտալացի բանաստեղծ, թատերագիր։ Ծնվել է հունվարի 16-ին, Աստի քաղաքում։ Ազգային կլասիցիստական ողբերգության հիմնադիր։ «Կլեոպատրա», «Անտիգոնե», «Ագսւմեմնոն», «Օրեստ», «Սարիա Ստյուարտ» ողբերգությունների թեման սերն է, ընտանիքը և սոցիալական պայքարը։ 1785–92-ին ապրել է Փարիզում, համակրել ֆրանսիական բուրժուական հեղափոխությանը։ Սակայն Յակոբինյան հեղաշրջումից հետո «Միզոգալլո» (1799) պամֆլետների ժողովածուում հանդես է եկել դրա դեմ։ Գրականության մեջ մեծ ճանաչում է գտել «Աստիացի Ալֆիերի Վիտորիոյի կյանքը, որ գրել է ինքը» (1804, հայերեն հրտ. 1873) ինքնակենսագրական արձակ երկով։ Քնարական ստեղծագործություններում և դրամաներում Ա. ձգտել է վերականգնել Իտալիայի ազգային ոգին։ «Մեկը», «Քչերը», «Շատերը» կատակերգություններում ժողովրդին պայքարի է կոչել ընդդեմ բռնակալների։ Մահացել է հոկտ. 8-ին, Ֆլորենցիայում։