ՀՍՀ/ԱԼՖՈՆՍ

ԱԼՖՈՆՍ, 1. Իսպանական թագավորների անուն (իսպան. Alfonso)։ Նրանցից Ա. XIII (1886–1941) Իսպանիայի վերջին թագավորն էր (1902–31), որը նպաստեց Իսպանիայամ ֆաշիստական վարչակարգ հաստատելուն։ 1931-ի ապրիլի 14-ին սկսված հեղափոխության ժամանակ գահընկեց արվեց և վտարվեց երկրից։ 2. Պորտուգալական թագավորների անուն (պորտ. Affonso)։ Նրանցից Ա. I (1109–1185) Պորտուգալիայի առաջին թագավորն էր (1139-ից)։ 1147-ին մավրերից ետ նվաճեց Լիսաբոնը և Հարավային Պորտուգալիայի մի մասը։ 3. Ա. Դյումայի (որդու) «Մոսյո Ալֆոնս» կատակերգության հերոսի անունը (ֆրանս. Alphonse), որը դարձել է հասարակ անուն և նշանակում է սիրուհու հաշվին ապրող։