ՀՍՀ/ԱՂՎԱՆԻ

ԱՂՎԱՆԻ, գյուղ Հայկական ՍՍՀ Ղափանի շրջանում, Քաշունի գետի ափին, շրջկենտրոնից 30 կմ հյուսիս–արևմուտք։ 245 բն. (1970), հայեր։ Կոլտնտ–ը զբաղվում է անասնապահությամբ, հացահատիկի մշակությամբ, այգեգործությամբ, մեղվաբուծությամբ։ Ունի ութամյա դպրոց, ակումբ, գրադարան, բուժ–մանկաբարձական կայան։ Հիմնադրվել է 1923-ին, նախկին գյուղատեղում։ Ա–ում պահպանվել են նախաքրիստոնեական շրջանի գերեզմանոց և XVII դ. եկեղեցու ավերակներ։