ՀՍՀ/ԱՄԻԼԱՑԵՏԱՏՆԵՐ

ԱՄԻԼԱՑԵՏԱՏՆԵՐ,${\ce {C5H11OCOCH3}}$, քացախաթթվի ամիլէսթերներ։ Անգույն հեղուկներ են, լավ լուծվում են օրգանական լուծիչներում, վատ՝ ջրում։ Ունեն էսթերներին բնորոշ քիմիական հատկություններ։ Ատացվում են համապատասխան սպիրտի և քացախաթթվի փոխազդմամբ (տես Էսթերացում)։ Լայնորեն օգտագործվում է իզոամիլացետատը

${\begin{array}{ll}CH_{3}-&CH-CH_{3}-CH_{2}-CH_{2}-O-COCH_{3}\\&|\\&CH_{3}\\\end{array}}$

եռում է 142°C) կինոժապավենների, ցելյուլոիդի և այլ նյութերի արտադրության մեջ որպես նիտրոցելյուլոզի լուծիչ, ինչպես նաև «տանձի էսենցիա» անունով՝ սննդի արդյունաբերության մեջ (մրգաջրեր, կարամել ևն)։