ՀՍՀ/ԱՅԾԵՆԱԿԱՃ
< ՀՍՀ
ԱՅԾԵՆԱԿԱՃ (յափնջի), առանց թևերի, ուղղաևկյուն ուսերով, լայն քղանցքով երկար թիկնոց։ Հին անվանումն է «տարատոկ»։ Կարում են այծամազե թաղիքից կամ այծի չխուզած մորթուց։ Կոճակների փոխարեն ունի կրծքի աջ և ձախ եզրերին ամրացված լամբակներ։ Տղամարդկանց, հատկապես հովիվների ավանդական հագուստ է կովկասյան ժողովուրդների մոտ։ Հայաստանում տարածված էր Արցախում, Լոռիում, Իջևան–Տավուշում և Արևելյան Հայաստանի այլ գավառներում․ հագել են 1826–28-ին ռուս–պարսկական պատերազմում մարտնչող հայ կամավորները։ Ա. եղել է նաև կազակային հեծյալ զորամասերի համազգեստը։