ՀՍՀ/ԱՆԱՏՈԼԻԱ

ԱՆԱՏՈԼԻԱ (<հուն. άνατολί)–արևածագ, արևելք), Փոքր Ասիա թերակղզու արևմտյան մասը։ Հնում, մոտավորապես մ. թ. ա. V–IV դդ. Ա. կոչել են Փոքր Ասիա թերակղզին։ Օսմանյան կայսրությունում Ա. (Անադոլու) էր կոչվում Փոքր Ասիայի հս–արլ. մասն ընդգրկող վիլայեթը՝ Քյոթահյա կենտրոնով։

1923-ից թուրք. գրականության մեջ Ա. են անվանում ողջ Ասիական Թուրքիան՝ ներառյալ Արևմտյան Հայաստանը և Քրդստանը, որով և խեղաթյուրվել է այդ. տերմինի աշխարհագրական բովանդակությունը։