ՀՍՀ/ԱՆԳԻՍՏԱՆ
< ՀՍՀ
ԱՆԳԻՍՏԱՆ, Անգիստանիս, գյուղ Արևմտյան Հայաստանում, Վան քաղաքից հարավ–արևելք, Խոշաբ գետի ձախ կողմում, այգեշատ վայրում։ XIX դ. սկզբին ուներ 30 տուն հայ բն,, որոնք զբաղվում էին երկրագործությամբ, այգեգործությամբ և անասնապահությամբ։ Գյուղում կար եկեղեցի և նախակրթական վարժարան։ Ա–ի շրջակայքում պահպանվել են հին բնակավայրերի ավերակներ։ Գյուղն ավերվել է առաջին համաշխարհային պատերազմի տարիներին։ Կոտորածից փրկված բնակիչներն ապաստանել են Արևելյան Հայաստանում։