ՀՍՀ/ԱՆԴԱԼՈՒԶՅԱՆ ԼԵՌՆԵՐ
< ՀՍՀ
ԱՆԴԱԼՈՒԶՅԱՆ ԼԵՌՆԵՐ, Բետյան լեռներ, լեռնային համակարգ Իսպանիայի հարավում։ Ձգվում է Պիրենեյան թ–կղզու հվ–արլ. և հվ. ափերի երկայնքով։ Երկարությունը մոտ 630 կմ է, բարձր, մինչև 3478 մ (Մուլասեն լեռ, ամենաբարձրը Պիրենեյան թերակղզում)։ Ա. լ պատկանում են ալպյան ծալքավորությանը։ Կազմված են բյուրեղային ապարներից և կրաքարերից։ Լանջերը խիստ մասնատված են, քարքարոտ, զարգացած է կարստը։ Կլիման միջերկրածովյան է։ Տարածված են կաղնու, սոճու անտառներ ու մաքվիսի մացառուտներ։ Կան երկաթի հանքեր։