ՀՍՀ/ԱՆԶԳՈՒՇՈՒԹՅՈՒՆ
< ՀՍՀ
ԱՆԶԳՈՒՇՈՒԹՅՈՒՆ, մեղքի ձև իրավունքում։ Քրեական իրավունքում տարբերում են Ա–յան երկու տեսակ՝ հանցավոր ինքնավստահություն, երբ անձը նախատեսում է իր արարքների՝ հանրության համար վտանգավոր հետևանքների առաջացման հնարավորությունը, բայց թեթևամտորեն հույս է ունենում կանխել դրանք, և հանցավոր անփութություն, երբ անձը չի նախատեսում այդպիսի հետևանքներ առաջանալու հնարավորությունը, թեև կարող էր և պետք է նախատեսեր։
Քաղաքացիական իրավունքում Ա. առկա է, երբ անձը չի դրսևորում անհրաժեշտ շրջահայացություն, հոգատարություն։