ՀՍՀ/ԱՆՁՆԱԳԻՐ

ԱՆՁՆԱԳԻՐ, 1. անձի ինքնությունը հաստատող սահմանված ձևի փաստաթուղթ։ ՍԱՀՄ այն վայրերում, ուր մտցված է անձնագրային համակարգ, 16 և բարձր տարիքի անձանց Ա. ունենալը պարտադիր է։ Հաստատված է անձնագրի 4 տեսակ՝ ցմահ (40 և բարձր տարեկանների համար), 10 տարվա (20–40), 5 տարվա (16–20) և կարճատև ժամկետի համար (մինչև 6 ամիս), որը տրվում է, երբ անձը Ա. ստանալու համար չի կարող ներկայացնել պահանջվող բոլոր փաստաթղթերը, այլև Ա. կորցնելու դեպքում։ Ա. տալիս են միլիցիայի մարմինները, ըստ քաղաքացիների բնակության վայրի։ 2. Անձնագիր տեխնիկական, մեքենաների հիմնական տեխնիկական բնութագրերը պարունակող փաստաթուղթ։