ՀՍՀ/ԱՇՈՏ ԲԱԳՐԱՏՈՒՆԻ ՍԱՀԱԿ ԲԱԳՐԱՏՈՒՆՈՒ ՈՐԴԻՆ

ԱՇՈՏ ԲԱԳՐԱՏՈՒՆԻ (ծն. թ. անհտ.–մոտ 804), Հայոց իշխան (775–781), Սահակ Բագրատունու որդին։ Արաբների հանդեպ վարել է զգուշավոր քաղաքականություն։ Հայերի 774–775-ի ապստամբությունն անիմաստ համարելով՝ չի հարել ապստամբներին և, պատճառ բռնելով թշնամու զորեղությունը, խորհուրդ է տվել հրաժարվել պայքարից։ Արաբ․ բանակի ռազմական գործողությունների մասին Ա. Բ. տեղեկացրել է հայ ապստամբներին, որոնք, սակայն, չեն վստահել նրան։ Ապստամբության պարտությունից հետո դարձել է Հայոց իշխան։ Ա. Տեր–Ղևոնդյան