ՀՍՀ/ԱՇՈՏ ԳՅՈՒՂԱՔԱՂԱՔ
< ՀՍՀ
ԱՇՈՏ, Աշոտի, գյուղաքաղաք Արևմտյան Հայաստանում, Սեբաստիայի վիլայեթի Տարենտեի գավառակում։ Ա. առաջին անգամ հիշատակված է Այնթապի եկեղեցում պահպանված 1619-ի ձեռագիր հիշատակարանում։ Մեծ եղեռնի նախօրյակին ուներ 1650 հայ բնակիչ (650 տուն), որոնք զբաղվում էին երկրագործությամբ, արհեստներով և առևտրով։ Բարեկարգ ճանապարհով կապված էր Սեբաստիայի հետ։ Ա. ուներ եկեղեցի, վանք և ուսումնարան։ Շրջակայքում պահպանվել էին միջնադարյան բերդի ավերակներ և հին գերեզմանոց։ Մեծ եղեռնի ժամանակ Ա–ի հայերը դարձան ջարդերի զոհ։