ՀՍՀ/ԱՊԵՐՏՈՒՐԱ

ԱՊԵՐՏՈՒՐԱ (<լատ. Apertura – անցք), օպտիկական սարքի գործող կտրվածք, բնութագրվում է ոսպնյակների չափսերով կամ դիաֆրագմաներով։ Տարբերում են անկյունային Ա. ($\alpha$)՝ օպտիկական սարքի մեջ մտնող լույսի կոնաձև փնջի եզրային ճառագայթների միջև կազմված անկյունը (տես գծ.) և թվային Ա., որը հավասար է $nsin{\alpha }/{2}$ ($n$–ը առարկան շրջապատող միջավայրի բեկման ցուցիչն է)։

Թվային Ա–ի մեծությունից է կախված պատկերի պայծառությունը (համեմատական է Ա–ի քառակուսուն) և լուծող ուժը (համեմատական է Ա–ին)։