ՀՍՀ/ԱՌԱՋԱՁՈՐ ՂԱՓԱՆԻ

ԱՌԱՋԱՁՈՐ, գյուղ Հայկական ՍՍՀ Ղափանի շրջանում, Ողջի գետի վտակ Աճանանի աջ ափին, շրջկենտրոնից 15 կմ հյուսիս։ 285 բն. (1970), հայեր։ Միավորված է Նորաշենիկի կաթնաանասնապահական սովետական տնտեսության հետ։ Ունի ութամյա դպրոց (հիմնադրվել է 1898-ին), ակումբ, գրադարան։ Բնակիչների նախնիների մի մասը եկել է Լեռնային Ղարաբաղի Առաջաձոր գյուղից 1760– 1770-ին, Գողթանից՝ 1805–06-ին, Սեբաստիայից՝ 1830-ին և Պարսկաստանից՝ 1838-ին։ Ա–ից 2 կմ հվ–արլ. կան գյուղատեղիներ ու գերեզմանոցներ։