ՀՍՀ/ԱՌԻՆՋԱՎԱՆՔ

ԱՌԻՆՋԱՎԱՆՔ, գյուղ Արևմտյան Հայաստանում, Բիթլիսի վիլայեթում, Մուշի գավառում։ 1909-ին ուներ 60 տուն հայ և 6 տուն քուրդ բնակիչ։ Զբաղվում էին երկրագործությամբ, այգեգործությամբ, անասնապահությամբ։ Գյուղի շրջակայքում պահպանվել էին հայկ. մի ուրիշ հին բնակավայրի և եկեղեցու ավերակներ։ Գյուղն ուներ եկեղեցի։ Ա. ավերվել է առաջին համաշխարհային պատերազմի տարիներին։