ՀՍՀ/ԱՍԹԵՆՈՍՖԵՐԱ

ԱՍԹԵՆՈՍՖԵՐԱ (<հուն. άσθενής–թույլ, σφαίρα – ոլորտ), Գուտենբերգի շերտ, ալիքատար, ցածր կարծրության միջնախավ Երկրի մանթիայի վերին մասում, սովորաբար 50–200 կմ խորությունների վրա։ Ենթադրվում է, որ Ա. որպես մագմատիկական օջախների սնման և ենթակեղևային նյութի տեղաշարժման մարզ, կարևոր դեր է խաղում տեկտոնական և մագմատիկական պրոցեսներում։ Անդրկովկասի լեռնային շրջաններում Ա. գտնվում է 70–100 կմ խորությունների վրա։