ՀՍՀ/ԱՍԼԱՆՅԱՆ ՎԱՂԻՆԱԿ

ԱՍԼԱՆՅԱՆ Վաղինակ Սիրեկանի (ծն. 1918), հայ սովետ, նկարիչ։ ՀՍՍՀ վաստ. նկարիչ (1963)։ ՍՄԿԿ անդամ 1950-ից։ Ծնվել է դեկտ. 21-ին, Երևանում։ 1950-ին ավարտել է Երևանի գեղարվեստական ինստ–ը։– Աշխատում է թեմատիկ կոմպոզիցիայի («Երիտասարդ Ա. Ա. Սպենդիարյանը Ն. Ա. Ռիմսկի–Կորսակովի մոտ», 1952–53, «Կոմիտասի անվ. քառյակը», 1955–57, «Արամ Խաչատրյանի հեղինակային համերգը», 1960) և դիմանկարի («Ուկրաինացու դիմանկարը», 1953, «Սարաջևի դիմանկարը», 1954, «Ավ. Իսահակյանը և Հ. Հակոբյանը», 1963) ժանրերում։