ՀՍՀ/ԱՍԼԱՆ ԱՆՆԱ

ԱՍԼԱՆ (Ասլանյան) Աննա (ծն. 1897), ռումինական գիտնական-գերոնտոլոգ, ծագումով հայ։ Ռումինիայի ԲԳԱ ակադեմիկոս (1945), Նյու Յորքի ԳԱ անդամ (1969), Բուխարեստի գերիատրիայի (ծերաբուժության) ինստ–ի ղեկավարը։ Ռումինական կոմունիստական կուսակցության անդամ 1963-ից։ Ծնվել է հունվարի 1-ին։ 1922-ին ավարտել է Բուխարեստի համալսարանի բժշկական ֆակուլտետը։ 1945-48-ին աշխատել է որպես ներքին հիվանդությունների կլինիկայի պրոֆեսոր Տիմիշոարա քաղաքի համալսարանում։ 1948-52-ին Բուխարեստի «Պրոֆեսոր Դոկտոր Կ. Պարհոն» Էնդոկրինոլոգիայի ինստ–ի ֆիզիոլոգիական կլինիկայի դիրեկտորն Էր։ Ծերաբուժության բնագավառում Ա. օգտագործել է նովոկաինի լուծույթներ՝ ներարկումների ձևով, իսկ վաղաժամ ծերացումը կանխելու նպատակով հետագայում առաջարկել է «գերովիտալ $H_{3}$» պատրաստուկը։ Ա. 1959-ից Ռումինիայի գերոնտոլոգիայի ընկերության նախագահն է։