ՀՍՀ/ԱՍԿՎԻՏ

ԱՍԿՎԻՏ (Asquith) Հերբերտ Հենրի (1852–1928), անգլիական պետական գործիչ, լիբերալ կուսակցության պարագլուխ։ 1908–16-ին՝ Անգլիայի պրեմիեր–մինիստր։ Նրա օրոք անգլիական զորքերը դաժանորեն ճնշեցին Դուբլինի ապստամբությունը (1916) Իռլանդիայում։ Ա–ի կառավարությունը վարում էր Անգլիայի գլխավոր իմպերիալիստական մրցակից Գերմանիայի դեմ պատերազմի նախապատրաստման քաղաքականություն։ Առաջին համաշխարհային պատերազմում Մեծ Բրիտանիայի կրած անհաջողություններն ու ներքաղաքական հակասությունների սրումը Ա–ին հարկադրեցին 1916-ին հրաժարական տալ։