ՀՍՀ/ԱՍՊԻՐԱՏՈՐ

ԱՍՊԻՐԱՏՈՐ (<լատ. aspiro - այստեղ՝ արտաշնչում եմ), 1. տեխնիկայում, սարք՝ ներծծմամբ գազերից նմուշ վերցնելու համար: Օգտագործվում է վառարանային, կոքսային, գեներատորային, դոմնային և այլ գազերի քիմիական բաղադրությունները, ինչպես նաև փոշու խոնավությունը որոշելու նպատակով: 2. Բժշկության մեջ, սարք՝ վերքերից, օրգանիզմի փակ և բաց խոռոչներից, ինչպես նաև մի շարք փափուկ ուռուցքներից հեղուկների արտածծման համար՝ բուժման և ախտորոշման նպատակով: