ՀՍՀ/ԱՍՏՂԱՐԴ

ԱՍՏՂԱՐԴ, աստրոիդ (հուն, άστρον – աստղ և είδος – տեսք, ձև), կոր, որը գծում է շրջանագծի $p$ կետը, երբ այդ շրջանագիծը առանց սահելու գլորվում է 4 անգամ մեծ շառավիղ ունեցող շրջանագծով՝ այն շոշափելով ներսից։ Ա. հիպոցիկլոիդ է (տես Հիպոցիկլոիդներ և էպիցիկլոիդներ)։ Եթե կոորդինատական առանցքներն անցնում են Ա–ի գագաթներով (տես գծ.), ապա նրա հավասարումն ունի $x^{2/3}+y^{2/3}=a^{2/3}$ տեսքը ( $a$ մեծ շրջանագծի շառավիղն է)։ Ա–ի կամայական $M$ կետում տարած շոշափողի և կոորդինատական առանցքների միջև ընկած $AB$ հատվածի երկարությունը հաստատուն մեծություն է և հավասար է $a$–ի։