ՀՍՀ/ԱՍՏՂԻ–ԲԼՈՒՐ

ԱՍՏՂԻ–ԲԼՈՒՐ, վաղ երկաթի ժամանակաշրջանի (մ. թ. ա. X–V դդ.) կիկլոպյան ամրոց և դամբանադաշտ Հայաստանում։ Գտնվում է Իջևանի շրջանի Ենոքավան գյուղի արմ. ծայրամասում։ Առաջին անգամ ուսումնասիրել է Ս. Եսայանը (1966–1967)։ Պեղվել է շուրջ 30 դամբարան և տաճարային շինություն։ Հայտնաբերվել են խեցեղեն, զենքեր, աշխատանքային գործիքներ, զարդեր։ Եզակի են ամրոցում գտնված տաճարի երկհարկանի կավե մոդելը և կավե կոճաձև զոհանոթները, բրոնզե գոտին, որը զարդարված է կենդանիների, հեծյալների, մարտակառքերի և աստվածների պատկերներով։

Գրկ. Есаян С. А., Астхблурский могильник, «ԼՀԳ», 1968, № 6.