ՀՍՀ/ԱՎԱՆ ԳՅՈՒՂ

ԱՎԱՆ, գյուղ Հայկական ՍՍՀ Աշտարակի շրջանում, Արագածի հարավային լանջին, շրջկենտրոնից 27 կմ հյուսիս–արևմուտք։ 615 բն. (1970), հայեր։ Ոչխարաբուծական սովետական տնտեսությունը (Լեռնարոտ և Օրգով գյուղերի հետ) զբաղվում է նաև հացահատիկի մշակությամբ և պտղաբուծությամբ։ Ա–ում գործում են ութամյա դպրոց, ակումբ, գրադարան, բուժկայան։ Գյուղում պահպանվել են V դ. եկեղեցու, իսկ շրջակայքում՝ կիկլոպյան ամրոցի ավերակներ, դամբարաններ։