ՀՍՀ/ԱՎԵՏԻՍՅԱՆ ԺԻՐԱՅՐ

ԱՎԵՏԻՍՅԱՆ Ժիրայր Նորայրի (ծն. 1932), հայ սովետական գրող։ ՍՄԿԿ անդամ 1958-ից։ Ծնվել է նոյեմբերի 21-ին, Աշտարակի շրջանի Օշական գյուղում։ 1955-ին ավարտել է Երևանի պետական համալսարանի բանասիրական ֆակուլտետը։ Ա–ի առաջին գիրքը՝ «Մանուշակ» բանաստեղծությունների ժողովածուն, լույս է տեսել 1956-ին։ 1959-ին տպագրվել է ետպատերազմյան գյուղի կյանքը պատկերող «Ուր են տանում ճամփաները» գիրքը։ 1961-ին հրատարակվել են Ա–ի «Կանաչ կածաններ» և «Վերջին նամակը», 1966-ին՝ «Աստղեր հարազատ և օտար» ժողովածուները։ Գրել է Արփա–Սևան կառույցի մարդկանց հերոսական աշխատանքները պատկերող «Կապույտ արյուն» վեպը (առաջին գիրք, 1968)։