ՀՍՀ/ԱՎԵՐ
< ՀՍՀ
ԱՎԵՐ, գյուղ Արևմտյան Հայաստանում, էրզրումի վիլայեթի Սպեր (այժմ՝ Իսպիր) գավառում։ XX դ. սկզբին ուներ մոտ 30 տուն հայ բնակիչ, որոնք զբաղվում էին երկրագործությամբ, անասնապահությամբ և այգեգործությամբ։ Ա–ում կար եկեղեցի (Ս. Աստվածածին) և վարժարան։ Ա–ի հայերը տեղահանվել են առաջին համաշխարհային պատերազմի տարիներին, որոնց մի մասը զոհվել է, իսկ փրկվածները գաղթել են օտար երկրներ։