ՀՍՀ/ԱՎԵՐԱԿ

ԱՎԵՐԱԿ, Էվերեկ, գյուղ Արևմտյան Հայաստանում, Բաբերդի գավառում (Էրզրումի վիլայեթ), Էրզրում–Տրապիզոն ճանապարհին։ XX դ. սկզբին Ա–ում ապրում էր մոտ 200 տուն բնակիչ, որից 110 տունը՝ հայ, որոնք զբաղվում էին երկրագործությամբ, անասնապահությամբ և այգեգործությամբ, իսկ Էրզրումից եկած հայերը, բացի երկրագործությունից, զբաղվում էին նաև երկաթագործությամբ (պայտագործության ևն)։ Գյուղն ուներ եկեղեցի (Ս. Աստվածածին) և վարժարան։ Առաջին համաշխարհային պատերազմի տարիներին Ա–ի հայ բնակիչների մի մասը զոհվել է, իսկ փրկվածները գաղթել են օտար երկրներ։