ՀՍՀ/ԱՎՐԱՆ
< ՀՍՀ
ԱՎՐԱՆ, Աբրակ, գյուղ Արևմտյան Հայաստանում, Բիթլիսի վիլայեթում, Մուշ քաղաքից հյուսիս, Արածանիի աջ կողմում։ 1909-ին Ա. ուներ 170 տուն հայ բնակիչ, որոնք զբաղվում էին երկրագործությամբ, այգեգործությամբ, բանջարաբուծությամբ և անասնապահությամբ։ Ա. տեղական ճանապարհով կապված էր Մուշի հետ։ Ավերվել է Մեծ եղեռնի ժամանակ։ Բնակիչների մեծ մասը զոհվել է, մնացածները տարագրվել են տարբեր երկրներ։