ՀՍՀ/ԱՎ-ՇԱՔԱՐ

ԱՎ-ՇԱՔԱՐ, գյուղ Արևմտյան Հայաստանում, Խարբերդի վիլայեթում, Չարսանճակի գավառում, Փերի գետից աջ։ Ա–Շ. XIX դ. կեսերին ուներ 38 տուն հայ բնակիչ, որոնք զբաղվում էին երկրագործությամբ, այգեգործությամբ, անասնապահությամբ և մեղվաբուծությամբ։ Գյուղն ուներ եկեղեցի (Ս. Գևորգ)։ Բնակիչների մեծ մասը զոհվել է 1895-ի և 1915-ի ջարդերի ժամանակ, վերապրողները տարագրվել են տարբեր երկրներ։