ՀՍՀ/ԱՏԵԼԼԱՆԱ
Արտաքին տեսք
< ՀՍՀ
ԱՏԵԼԼԱՆԱՆ <լատ. atellana>, ժողովրդական հանպատրաստից ներկայացման տեսակ Հին Հռոմում, մ.թ.ա. III դարում։ Այդպես է կոչվել Նեապոլի մոտ գտնվող Ատելլա քաղաքի անունով։ Ա–ի գործող անձինք էին մշտական տիպ–դիմակներ Բուկկոնը, Դոսսենը, Մաքը, Պապպը և ուրիշներ։ Մ.թ.ա. I դ. բանաստեղծ-դրամատուրգներ Նովիուսը և Լուցիուս Պոմպոնիուսը Ա. ժողովրդական ֆարսից վերածեցին գրական ստեղծագործության՝ որոշակի սյուժեով պիեսի (պահպանվել են պատառիկներ)։ Որոշ քննադատական ուղղվածության պատճառով Ա–ի ներկայացումները կայսրության շրջանում հետապնդվում Էին։
