ՀՍՀ/ԱՐԱԲԱԿԱՆ ԱՆԱՊԱՏ
< ՀՍՀ
ԱՐԱԲԱԿԱՆ ԱՆԱՊԱՏ, Սահարայի հյուսիս–արևելյան մասը, Նեղոսի հովտի և Կարմիր ծովի միջև (ԵԱՀ)։ Հվ–ում տարածվում է մինչև հս. լ. 22°, ուր միանում է Նուբիական անապատին։ Կլիման շոգ է, անապատային, հազվադեպ անձրևներով։ Ունի աղքատիկ, չորասեր բուսականություն, հովիտներում՝ մոլախոտաթփուտային չորասեր բուսականություն՝ կարմրանի, ժանտաթզենու և Փյունիկյան արմավենու ծառատեսակներով։ Բնակչությունը զբաղվում է անասնապահությամբ, հազվադեպ օազիսներում՝ հողագործությամբ։ Կարմիր ծովի ափին կատարվում է նավթի, ֆոսֆորիտների հանույթ։