ՀՍՀ/ԱՐԱԲՈ

ԱՐԱԲՈ (մոտ 1863-1893), հայ ֆիդայի, 1880–90-ական թթ. ազգային–ազատագրական շարժման հերոս։ Թուրքական իշխանությունների կողմից դատապարտված է եղել 15 տարվա տաժանակրության, սակայն փախել է Բիթլիսի բանտից և թաքնվել Սասունի գյուղերում։ Իր շուրջը համախմբելով Մշո և շրջակա գյուղերի հայ երիտասարդներին՝ նա հալածել է աշխատավոր գյուղացիների իրավունքներին բռնացող քուրդ ցեղապետներին ու թուրք հարկահավաքներին։ Զոհվել է Գյալի–Սորի ձորում, հրոսակների դեմ կռվելիս։ Ա–ի հիշատակին սասունցի հայերն ու այլազգիները երգեր են հյուսել։

Գրկ. Մարկոսյան Ա., Արևմտահայության վիճակը XIX դ. վերջերին, Ե., 1968, էջ 195–96, 204։