ՀՍՀ/ԱՐԱՐԱՏ ԳՅՈՒՂ ԱՐԱՐԱՏԻ ՇՐՋԱՆՈՒՄ

ԱՐԱՐԱՏ (մինչև 1935՝ Դավալու), գյուղ Հայկական ՍՍՀ Արարատի շրջանում, շրջկենտրոնից 14 կմ հարավ։ 5625 բն. (1970), հայեր։ Կոլտնտեսությունն զբաղվում է այգեգործությամբ, բանջարաբոստանային կուլտուրաների մշակությամբ, անասնապահությամբ։ Ա–ում գործում են գինու գործարան, միջնակարգ և ութամյա դպրոցներ, ակումբ, գրադարան, մսուր–մանկապարտեզ, բուժկայան, կապի բաժանմունք, կինո։ Գյուղի շրջակայքում կա օնիքսային մարմարի հանք, որի մշակումից տեղում ստացվում են դեկորատիվ սալիկներ։ Ա. հիմնադրվել է 1828-ին։