ՀՍՀ/ԱՐԱՐԱՏ ՔԱՂԱՔ ԱՎՍՏՐԱԼԻԱՅՈՒՄ

ԱՐԱՐԱՏ (Ararat), քաղաք Ավստրալիական Միության Վիկտորիա նահանգում, Ռիպոն շրջանի վարչական կենտրոնը։ Գտնվում է Մելբուռնից մոտ 200 կմ դեպի հյուսիս–արևմուտք, Հոպկինս գետի ափին, 345 մ բարձրության վրա։ 7934 բն. (1961)։ Ա. տրանսպորտային կարևոր հանգույց է, հացահատիկի ու բրդի առևտրական կենտրոն։ Կան տեքստիլ և սննդի արդյունաբերության ձեռնարկություններ, հոգեբուժական հիվանդանոց։ Սև հիմնադրել են անգլիացիները 1840-ական թթ.։ Ա. անունն ստացել է 8 կմ դեպի հարավ–արևելք գտնվող Արարատ լեռից։