Հայրապետ սուրբ եւ անբիծ
Հայրապետ սուրբ եւ անբիծ եւ ընտրեալ յորովայնէ. սքանչելագործ վկայ եւ պարծանք ազգի մարդկան. առ Քրիստոս բարեխօսեա վասն մեր քո տօնողացս: Հովիւ հոգեւոր բանաւոր հօտի. լուսաւորիչ տիեզերաց սիւն լուսոյ կանգնեալ ի մէջ եկեղեցւոյ. առ Քրիստոս բարեխօսեա վասն մեր քո տօնողացս:
Հաստատութիւն հաւատոյ պսակ ի գլուխ եկեղեցւոյ. պայծառ քարոզ տիեզերաց եւ պարծանք ազգի մարդկան. առ Քրիստոս բարեխօսեա վասն մեր քո տօնողացս: