Հարութն ու Նարեկը

Վիքիդարանից՝ ազատ գրադարանից
Jump to navigation Jump to search
Հարութիկի նավը Վարդան Հակոբյան, Երկեր, հատոր Դ՝ Հարութն ու Նարեկը

Վարդան Հակոբյան

Սարգիսիկը եւ ծիտը
ՀԱՐՈՒԹՆ ՈՒ ՆԱՐԵԿԸ


Տղաներ ենք մենք խորոտիկ...

Ինչ անենք, թե շատ ենք պզտիկ,
թե հագնում ենք շորտիկ-մորտիկ,
թե քայլում ենք տոտիկ-տոտիկ,
բայց չէ՞ որ մենք զենք ենք կրում
(ի՜նչ խաղալիք),
աշխարհի մեջ Արցախական
մարդ մորից է ծնվում մարտիկ։

Եղբայրներ ենք մենք խորոտիկ,
ամենից վաղ ելնում ոտի,
առնում ենք զենք, առնում զրահ,
դիրք ենք գնում.
չարը փորձի Արցախ մտնի՝
օրը պիտի գլխին մթնի.-
մեր մեջ ուժն է Սասնա Դավթի։

Արցախով մեր ճամփան կերթա,
կերթա հաղթած Թուր-Կեծակին
Ու կհասնի մինչեւ Մարութիկ, Վան ու Նարեկ...
ի՞նչ անենք, թե շատ ենք պզտիկ,
թե հագնում ենք շորտիկ-մորտիկ,
մենք Արցախա քաջերից ենք
մեր անունն է՝ Հարութ, Նարեկ...