Հրեշտակ 2 (Լերմոնտով)

Վիքիդարանից՝ ազատ գրադարանից
Jump to navigation Jump to search
Հրեշտակ

Միխայիլ Լերմոնտով

Թարգմանությունը՝ Ալեքսանդր Ծատուրյանի


Հրեշտակ


Կես գիշերային անհուն երկնքում
Հրեշտակ էր թռչում և մեղմիկ երգում.
Եվ լուսին, աստղեր, ամպեր խըմբովին
Սըրբազան այդ երգն լուռ լըսում էին։

Երգում էր նա բախտ և երջանկություն
Եդեմում ապրող սուրբ ոգիների.
Երգում էր գովեստ նա տեր-աստըծուն,
Եվ այդ գովեստն էր անկե՜ղծ, սըրտալի՜։

Մատաղ էակ էր նա գըրկին տանում
Երկրային վրշտի, արցունքի համար.
Եվ երգն հրեշտակի այդ մատաղ սըրտում
Մընաց կենդանի՜, թեպետ անբարբառ։

Եվ երկրիս վերա, լեցուն փափագով,
Երկա՜ր տառապեց այն մատաղ հոգին.
Բայց նորան երկիրն յուր տըխար երգով
Չը փոխարինեց երգը երկնային։