Jump to content

Ձախորդություն (Ջիվանի)

Վիքիդարանից՝ ազատ գրադարանից
Ձախորդություն
Պիտի գա՞ արդյոք

Ձախորդություն


Երկար ժամանակ է ձախորդության հետ,
Ընկել ենք իրարու սաստիկ հակառակ.
Կանգնել ենք դեմ առ դեմ, արձակում ենք նետ,
Կռվում ենք, խփում ենք մեկմեկու դանակ։

Պիտի ապրեմ, հավատում եմ անպայման,
Գլուխը ջախջախեմ սև ձախորդության.
Կհասնեն որդիքս շուտով օգնության,
Հույս կա, որ ես տանեմ վերջը հաղթանակ։

Ջիվան, ձախորդության ձեռքը կոպիտ է.
Անհոգի, անսիրտ է, սաստիկ կրկիտ է,
Անիրավի ցավը քաշո՛ղը գիտե,
Նրան չի ճանաչե մարդը հաջողակ։

1902