Մի մրահոն աղջիկ տեսա
Jump to navigation
Jump to search
Ուշադրություն․ Այս էջը ենթակա է արագ ջնջման
Այս հոդվածը կարճ ժամանակում ջնջվելու է, քանի որ չունի որևէ իմաստալից բովանդակություն։
Հիշեցում. նախքան այս կաղապարը տեղադրելը ծանոթացեք Վիքիդարանյի Ջնջման կանոնակարգին։ Եթե հոդվածը ենթակա է բարելավման, օգտագործեք {{Ջնջել}} կաղապարը։
Այս սիրային բանաստեղծությունը «Վարպետի» սիրերգության լավագույն էջերից է, որի «Տառապանքս փորձ ունի» տողը թևավոր խոսք է դարձել։ Պատկերավոր նկարագրությամբ ընթերցողը տեսնում է ոչ միայն գնչուհու նմանվող գեղուհու հագուկապը, գալարուն շարժուձևը, աչքի բոցը, այլև պոետի տառապալից, խուսափող հայացքը։
«Մի մրահոն աղջիկ տեսա»
Մի մրահոն աղջիկ տեսա Ռիալտոյի կամուրջին, Հորդ մազերը - գետ գիշերվա, Եվ հակինթներ` ականջին:
Աչքերը սև - արևներ սև, Արևների պես անշեջ, Գալարում էր մեջքը թեթև Ծաղկանկար շալի մեջ:
Աչքս դիպավ աչքի բոցին, Ու գլուխըս կախեցի. Ժպտաց ժպտով առեղծվածի, Հավերժական կանացի:
Միամիտ չեմ` հավատամ քեզ. Տառապանքս փորձ ունի.- Մի մրահոն կույս էր քեզ պես, Կոտրեց սիրտս պատանի...
XII.1925թ. Վենետիկ