Մի պատկեր (Ջիվանի)
Արտաքին տեսք
Մի պատկեր
Սիրուն կնոջ՝ եթե չեղավ բարքը լավ,
Անշունչ պատկեր, գրչով քաշված նկար է.
Արտաքինը փայլուն, ներքին կողմը սյավ,
Կակաչ ծաղկին շատ նման ու հարմար է։
Գեղեցկությունը մի վաղանցուկ բան է,
Շքեղ, շուտ թարշամող վարդի նման է,
Անշնորհք սիրունը դատարկ աման է,
Նրան սիրող, սիրտ տվողն էլ հիմար է։
Ջիվան, ով որ ունի համեստ, բարի կին,
Աշխարհիս մեջը նա է մարդը առաջին.
Սիրուններից գոհ չես գտներր ամենին,
Երջանիկն հարյուր` թշվառն հազար է։