Որ ի լերինն այլակերպեալ
Որ ի լերինն այլակերպեալ ցուցեր զաստուածային քո զօրութիւնդ. զքեզ փառաւորեմք իմանալի լոյս: Որ զճառագայթ փառաց քոց ցուցեր արեգակնակերպ փայլմամբ զարարածս լուսաւորեցեր. զքեզ փառաւորեմք իմանալի լոյս:
Որ ահագին տեսլեամբ զարհուրեցուցեր զքո զաշակերտսն ի թմրութիւն հրաշիցն ի սէր աստուածային փառաց քոց. զքեզ փառաւորեմք իմանալի լոյս: Երեւի երբեմն աշակերտացն հրաշալի տեսլեամբ, պայծառացեալ ի Թաբօր լերինն: