Տրիոլետ Լ. Բ.-ին

Վիքիդարանից՝ ազատ գրադարանից
Jump to navigation Jump to search
Տրիոլետ Լ. Բ.-ին

Եղիշե Չարենց

Տրիոլետ Լ. Բ.-ին


Ինչքան աշխարհը սիրես ու աշխարհով հիանաս —
Այնքան աշխարհը անուշ ու ցանկալի կլինի.
Թե ուզում ես չսուզվել ճահճուտները անհունի —
Պիտի աշխարհը սիրես ու աշխարհով հիանաս:
Այնպե՜ս արա, որ կյանքում ո՜չ մի գանգատ չիմանաս,
Խմի՜ր թախիծը հոգու, որպես հրճվանք ու գինի.
Որքան աշխարհը սիրես ու աշխարհով հիանաս —
Այնքան աշխարհը անուշ ու ցանկալի կլինի...


1921