Ցերեկը լռեց... Երկինքը վառեց ոսկե բուրվառներ

Վիքիդարանից՝ ազատ գրադարանից
(Վերահղված է Ցերեկը լռեցից)
Jump to navigation Jump to search
Ցերեկը լռեց... Երկինքը վառեց ոսկե բուրվառներ

Վահան Տերյան


* * *


Ցերեկը լռեց... Երկինքը վառեց ոսկե բուրվառներ,
Լույսերը քնքուշ գրկեցին անուշ երկինք, ծով ու հող.
— Ա՜խ, եթե մեկը իմ հոգին այդ մեղմ լույսերին խառներ
Եվ փայփայեր իմ հոգնատանջ սրտի թախիծը մաշող...
Լքված իմ հոգին տանջում է կրկին տանջանքը մռայլ,
Եվ անուն չունի տանջանքը սրտիս, տենչանքը գաղտնի.
— Ա՜խ, եթե մեկը իմ սրտին նետեր նոր հույսերի փայլ,
Մեղմաբար ասեր, քնքուշ համոզեր, որ նա կըգտնի...


1908