Օգնության ձեռքը

Վիքիդարանից՝ ազատ գրադարանից
Jump to navigation Jump to search
Վկայություն Վարդան Հակոբյան, Երկեր, հատոր Դ՝ Օգնության ձեռքը

Վարդան Հակոբյան

Բարեկամս
ՕԳՆՈՒԹՅԱՆ ՁԵՌՔԸ

Վրդովված մեղուն թռավ ու գնաց,
Առյուծի առաջ խոնարհվեց, ասաց.
-Արջը մեզանից խլել դադար, քուն,
Ապրում է՝ թաթը միշտ մեր փեթակում,
Լափում է մեղրը, մեզ բնաջնջում,
Օգնեք, տեր արքա, շատ ենք աղաչում։
-Դա ստուգել է պետք։- Արքան որոշեց
Եվ աղվեսներին իսկույն մոտ կանչեց,-
Մեղվի բողոքը, ասաց, անսացեք,
Ճշմարտությունը պարզեք, ասացեք...

Ու աղվեսները աղվեսավարի
Արջի մոտ եղան, «ստուգումներ արին»,
Դժվար էր հարցը, մի կերպ պարզեցին
Եվ տեղեկանքը այսպես կազմեցին.
«Իզուր է անբան մեղուն փնթփնթում,
Թաթն ու օգնության ձեռքը շփոթում»։